कौतुकाची थाप
इयत्ता चौथी – मराठी (नवीन अभ्यासक्रम)
एका गावात काही मुले मैदानात आनंदाने खेळत होती. खेळण्यात ती इतकी रमली होती की वेळ कसा गेला हे त्यांना समजलेच नाही.
अचानक आकाशात काळे ढग दाटून आले. जोराचा वारा सुटला आणि मुसळधार पाऊस सुरू झाला. वादळामुळे सर्वत्र गोंधळ उडाला.
मैदानालगतच्या गोठ्यात एक लहानसे वासरू बांधलेले होते. वाऱ्याच्या आवाजाने आणि विजांच्या कडकडाटाने ते खूप घाबरले. ते इकडे-तिकडे धडपडू लागले.
खेळणाऱ्या मुलांचे लक्ष त्या वासराकडे गेले.
एक मुलगा म्हणाला, "अरे, ते वासरू खूप घाबरलं आहे. चला, त्याला वाचवूया!"
सर्व मुले क्षणाचाही विलंब न करता गोठ्याकडे धावत गेली. त्यांनी वासराची दोरी सोडवली आणि त्याला सुरक्षित ठिकाणी आणले.
इतक्यात मोठा आवाज झाला आणि धाडकन! गोठा कोसळला.
हे पाहून मुलांना समजले की, त्यांनी थोडा जरी उशीर केला असता तर वासराचा जीव धोक्यात आला असता.
काही वेळाने पाऊस थांबला. शेतातून गाय परत आली. तिने आपल्या वासराला सुरक्षित पाहिले. वासरू धावत जाऊन गायीला बिलगले. ते दृश्य पाहून सर्वांच्या डोळ्यांत आनंदाश्रू आले.
मुलांच्या धाडसी आणि दयाळू कार्याची बातमी गावभर पसरली. गावकऱ्यांनी त्यांच्या या चांगल्या कामाचे भरभरून कौतुक केले.
दुसऱ्या दिवशी शाळेत मुख्याध्यापक आणि सर्व शिक्षकांनी मुलांचे अभिनंदन केले. त्यांच्या पाठीवर "कौतुकाची थाप" देऊन त्यांना बक्षीस दिले. तसेच पुढेही नेहमी अशाच चांगल्या आणि समाजोपयोगी कामात सहभागी होण्याचा सल्ला दिला.
तात्पर्य :
जेव्हा आपण धाडस, दयाळूपणा, प्रामाणिकपणा आणि इतरांच्या मदतीसाठी निःस्वार्थपणे चांगले कार्य करतो, तेव्हा आपले सर्वांकडून मनापासून कौतुक होते.
इयत्ता चौथी – मराठी (नवीन अभ्यासक्रम)
चाचणी सुरू करण्यापूर्वी तुमचे नाव व मोबाईल नंबर टाका:
| क्र. | विद्यार्थ्याचे नाव | तारीख व वेळ | गुण | टक्केवारी |
|---|---|---|---|---|
| गुणतालिका लोड होत आहे... | ||||
Post a Comment